Elikadura, Landa Garapen, Nekazaritza eta Arrantza Sailak, Euskadiko Kirol Portuak (EKP) erakundearekin batera, urtarrilean jarraituko du Euskadiko portuetako aisialdiko ontzien-tzako Amarreen Agindu berriaren baldintzak definitzeko hausnarketa eta entzute-prozesuarekin. Ekimen hau duela hainbat hilabete hasi zen, eta sei jardunaldi egin ondoren, urtarrilaren amaierara arte luzatzea aurreikusten da.
Eusko Jaurlaritzak kudea-tzen dituen kirol portuetako amarreen kopurua 4.000 plazakoa da gutxi gorabehera; hala ere, eskaria askoz handiagoa da, itxaron-zerrendetan 2.000 eskaera baino gehiago baitaude. Eskari handiak eta amarreen esleipenerako aurreko araudiari lotutako prozesu judizial desberdinek entzute-prozesu bat abiaraztera eraman dute, araudia berrikusten hasi aurretik.
Molla-Hondarribia, Hondarribia, Donostia, Orio, Getaria, Deba, Mutriku, Lekeitio, Mundaka, Bermeo, Armintza eta Plentziako kirol portu eta dar-tsenek guztira 28.000 m³ inguruko azalera dute.