Bizkaiak hurbileko merkataritza lehiakorrago, profesionalizatuago, digitalago eta kontsumo-ohitura berriei erantzuteko hobeto prestatuaren aldeko apustua indartzen du, merkataritza honek gizarte-kohesiori dagokionez duen funtsezko eginkizuna galdu gabe. Bizkaiko Foru Aldundiak hiru lankidetza-hitzarmen onartu ditu lurraldeko merkataritzari lagun-tzeko, 440.000 euroko ekarpen globalarekin. Laguntzak zuzeneko dirulaguntza izendunen bidez bideratzen dira eta Cecobi, Bizkaidendak eta BilbaoDendak elkarteei ematen zaizkie, Bizkaiko tokiko merkataritza ordezkatzen, dinamizatzen eta laguntzen duten erreferentziazko erakundeak direlako. Hitzarmen hauen helburua sektorearen lehiakortasuna bultza-tzea, profesionalizazioa indartzea, eraldaketa digitala babestea eta hiriko eta hurbileko merkataritza dinamizatzen laguntzea da. Hiru laguntza-ildo horiek hauek Bizkaiko Foru Aldundiak lurralde orekatu eta kohesionatu batekin duen konpromisoaren barruan kokatzen dira.