Josu Bilbao Eusko Jaurlaritzako Ingurumen sailburuordeak eta Asier López Etxebarria Uraren Euskal Agentziako (URA) zuzendari nagusiak sentsibilizazio kanpaina berria aurkeztu dute Tabakaleran, Donostian, Korrontez kontra joan. Babestu. Zaindu. Goza itzazu lelopean. Urriaren 11n ekingo dio igortzeari, herritarrei ibaiak hurbilarazteko eta haiekiko begirada berritu bat sustatzeko.

Ekimenak urriaren 11n ekingo dio igortzeari, herritarrei ibaiak hurbilarazteko eta haiekiko begirada berritu bat sustatzeko 

Bilbao sailburuordeak nabarmendu duenez, “gero eta konektatuagoak bizi garen gizarte honetan, sarri, bizirik eusten gaituenetik gero eta urrunago bizi gara. Kanpaina hau gure ibaiei begiratzera, gure alde egiten dutena aitortzera eta haien babesarekin dugun konpromisoa sendotzera gonbidatzeko sortu da”. Izan ere, “ibaiak ez dira ingurumen-balio handiko ekosistemak soilik. Gune horiek gure osasunari, gure bizi-kalitateari, klima-aldaketara egokitzeari eta gure hiri eta herrien erresilientziari laguntzen diete”.
Kanpainaren abiapuntua gero eta agerikoagoa den errealitatea da: biztanleriaren zati handi bat ingurune urbanoagoetan bizi da, ekosistema naturalekin gero eta harreman urrunagoa du. Horrexegatik,  ibaiak berraurkitzera gonbidatzen duen mezu positibo eta inspiratzaile baten alde egiten du.